समाचार

चैत्र २७ भोजपुर

    विरोध वस्नेत द्धारा निर्देशित “परिवार नियोजन स्मार्ट बन्छ जिबन” सडक नाटक प्रस्तुती आज सदरमुकामबाट शुरु गरिएको छ । नाटकको माध्यम बाट जनचेतना जगाउने उद्धेश्यले नाटक मञ्चन गरिएको वस्नेतले जानकारि दिए । सडक नाटक बाटै स्थानिय सर्वसाधारणमा स्मार्ट जिवनको बारेमा जानकारि गराउनु, परिवार नियनेजनका साधन, महिला आत्म निर्भरता र छोरा र छोरी समान हुन् भन्ने भावनाको विकास गराउने र जन चेतना फैल्याउने मुल उदेश्य रहेको वस्नेतले बताएका छन् ।

   सडक नाटकमा परिवार नियोजन सम्बन्धिका विषयवस्तु हरुलाई जिवन्त ढङगबाट उत्थान गरिएको छ । । भोजपुरका स्थानिय कलाकार हरुको अभिनय रहेको सडक नाटक परिवार नियोजन स्र्माट बन्छ जिवन आज बाट शुरु भएको र विभिन्न मिति समय र स्थानमा जिल्ला भर मञ्चन गरिने जनाइएको छ । 

    सदरमुकामको शनिबारे हटिया र सदरमुकामको मुख्य बजार ४ भन्ज्याङमा हजारौ दर्शक सामु आजै नाटक प्रस्तुत गरिएको छ । नेपाल परिवार नियोजन भोजपुर द्धारा प्रायोजित नाटकमा कलाकारहरु विरोध वस्नेत, देवराज प्रधान, विवेक राई, नरमाया श्रेष्ठ, हरि खड्का, सविना कार्कि,सुरज खड्का र दिपक शाक्यले अभिनय गरिरहनु भएको छ । नाटकको संयोजन नेपाल परिवार नियोजन संघ व्यवहार परिवर्तन सञ्चार अधिकृत मिन राज जोशिले गरिरहनु भएको छ ।